cropped-philippine_skyline_flag_wallpaper_by_pilyongpilay-normal2.jpg

Si Ninoy Sa Bawat Mata Ng Kabataan


Ngayong araw na ito, sa kabila ng pagulan-ulan at pagbaha sa iba’t-ibang lugar sa ating bansa, ay ipinagdiriwang ang araw ng pagkamatay ng taong nag-udyok sa bawat pilipinong mapagmahal sa kalayaan na mag-alsa. Agosto 21, 1983 nang magbalik ang bayani mula sa Estados Unidos. Maraming mga haka-haka na maaaring may kutob na si Ninoy noong araw na lumapag ang sinasakyan nitong eroplano dahil sa mga sinasabi nito sa kanyang mga kasamahan. Hindi pa man s’ya nakapaglalatag ng kanyang talampakan sa lupa ay may bumaril na rito na agad naman n’yang ikinamatay.

Si Ninoy Aquino ang isa sa mga pinakahinahangaan kong modernong bayani dito sa ating bansa. Hindi lamang dahil sa kanyang pangalan ngunit dahil sa kanyang pagiging matapang. Sa katunayan, maari naman n’yang piliin ang pagpapakabuti sa Estados Unidos, pagiging kampante kapiling ang mga mahal sa buhay. Ngunit, dahil sa malalim at taus-pusong koneksyon at pagmamahal nito sa bayan ay pinili n’yang lumipad at bumalik sa lupaing nagsilang sa kanya.

Malaki talaga ang naiambag ni Ninoy sa ating kasaysayan maging kung ano tayo ngayon. Bilang isang magaaral ng kasaysayan, naging isang libangan ko ang mag-isip kung ano ang maaring mangyari kung naiba ang takbo ng ating kasaysayan. Kung wala si Ninoy, malaya ba tayo? Maaring malaya tayo ngayon ngunit palagay ko’y patuloy tayong magiging kimi, at walang imik. Kinokontrol ng isang lider na parang isang makinarya. Isa pang nakakatawang isipin, siguro kung naiba ang takbo at hindi umuwi si Ninoy sa ating bansa ay malamang hindi mananalo sa pagka-presidente ang ating kasalukuyang presidente.

Hindi tayo ganito ngayon kung wala si Ninoy. At hindi rin magiging (kung ano ang dapat nilang maging) ang mga kabataan sa hinaharap kung hindi natin ipagpapatuloy ang laban na sinimulan ng ating mga bayaning nagsakripisyo ng kanilang buhay para lamang sa atin. ‘Wag tayong maging mahina at sunud-sunuran na lamang sa agos ng panahon. Tumingin tayo sa ating kapaligiran. Magobserba. Kung ano ang nakitang problema, ating solusyonan. Patunayan sa ating mga bayaning tulad ni Ninoy na tayo, bilang Pilipino “are worth dying for”

cory-ninoy

Ano sa Tingin nyo?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s