TheSevenLawsWordle

IDENTIDAD NG TAO: SUSI SA PANDAIGDIGANG KAPAYAPAAN?


Marami sa atin ang naghahangad ng kapayapaan. Kapayapaan mula sa gera, kapayapaan sa mga kaguluhan. Minsan, naitanong ko sa aking sarili kungposible nga ba talaga ito. Sa dulo’y nasabi kong imposible itong makamit dahil sa natural na bagay na sa tao ang pumili at magdesisyon batay sa kanilang personal na interes. Imposible ito kung magkakaiba tayo sa relihiyon, paniniwala at interes. Ngunit, matapos kong pag-isipan ito’y pumasok na naman sa aking utak na maaring posible nga ito kung magkakaroon ng iisang identidad. Naisip ko, paano ito? Imposible pa rin dahil nga pinanggalingan. Parang imposible naman ‘ata ‘yun?
Lahat tayo ay may sari-sariling identidad. We are all different. Iba’t-iba ang ating mga lahi. May Pilipino, may Amerikano, may Ruso at may mga Hapon. At sa lahat ng lahi ay mayroong pagkakaiba-iba o pagtutunggali ng ideya’t paniniwala. Malamang na kapag pinagsama-sama ang lahat ng lahi’y magkakaroon ng kaguluhan. Ang pagiging iba natin sa isa’t-isa ang naglalayo sa atin sa isa’t-isa. Dahil sa magkakaibang identidad ay kaya may kaguluhan at digmaan sa panahon ngayon. Ngayon, itatanong ko kung mayroon pa bang posibilidad na magkaroon ng kapayapaan sa daigdig?
Upang masagot ang katanungang ito, kailangan muna nating isa-isahin ang ating mga similarities na isinasantabi ang ating mga prejudice at paniniwala. Tayo ay tao. Walang duda rito. Kung magawa nating ikonsidera ang pagiging tao nating lahat at magkaroon ng pagkakaintindihan bilang tao, malamang ay magkaintindihan tayo. Sana balang araw ay maikonsidera natin ang ating sarili hindi batay sa pagiging Kristiyano, Muslim, Hudyo, Pilipino, Ruso, Amerikano, o Tsino natin kundi batay sa pagiging nilalang sa ibabaw ng mundo. Ngayon ko lamang na-appreciate ang importansya ng pagiging globalized mag-isip. Ngunit, kung ito lamang ay solusyon ay bakit hindi? Kailangan pa rin naman nating magkaroon ng sarili at unique na identidad ngunit kailangan rin natin ikonsidera ang iba sa pamamagitan ng pagtingin sa kanila bilang ka-lahi (species) o tao.
Samakatwid, hindi lang natin kailangan ng personal, at social identity  rin. Sa pagkakaroon ng unibersal na pagtingin sa ating identidad, maaring maging sagot ito sa ating hinahangad na (general) kapayapaan. Bagamat nagdududa ako sa posibilidad nito dahil sa natural na katangian ng tao na lumaban para sa kanilang personal na interes, ay umaasa pa rin ako na balang-araw ay hindi lamang tayo mga tao kundi makataong nilalang. Inirerespeto at kinokonsidera ang pagiging tao ng mga ito.

Ano sa Tingin nyo?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s